كوكا او بيتزا كوفار بدون عجينة مورقة

لوصفة :

كاس زيت، كاس ماء، قرصة خميرة كيميائية، م.ص ملح، فرينة.

نحط كاس زيت، كاس ماء ونخلط جيدا بالباتور ولا الفوي المعم يخلط جيدا.

قرصة خميرة، م.ص ملح، كاس فرينة ونخلط ثم نبدا نزيد فالفرينة حتى تولي عجينة متماسكة لا تلتصق فاليد.

نحط العجينة على سطح العمل ونحاول نلمها بدون عجن، نديرها دائرة ونغلفها بكيس شفاف ونحطها فالثلاجة من التحت ترتاح 20د.

بعد ما ترتاح العجينة نجيب فرينة نرش سطح العمل نجيب العجينة نحلها مستطيل بالحلال، نجيب الخليط (4.م.ك مايزينة ونزيد الزصت مع الخلط حتى نتحصل على كريمة حوالي 6.م.ك)، نحط الخليط فوق العجينة كامل، ونبدا نرولي ونزير (كيما الخبز).

ايجينا رولي طويل نقطعوا ل2 قطع متساويين، نغلف قطعة بورق شفاف، نفتح العجينة الأخرى بالحلال بالاستعانة بالفرينة ونفتحها على شكل السنيوة (انا مستطيلة 40/30).

نسڨم مليح العجينة فالسنيوة ونحي الأطراف، ندير الحشو (اختياري)،رت شكشوكة وجبن نزيد نفتح العجينة الأخرى بالحلال ونحطها فوق الحشو ونسڨم الأطراف.

نقسم الحبات بالموس، ندهنها من الفوق (بيضة، شوية خل)، كل حبة نزينها بزيتونة ومعدنوس، ندخلها للفرن مسخن من قبل على 200°، كي يبداو الحواف يصفارو نطفي من الفوق ونشعل من الفوق... وبصحتكم