طريقة تحضير و تقديم رولي الدجاج

المقادير رولي:

صدر دجاج كبير مرحي - حبة بصل متوسطة مقطعة مكعبات - 2سنن ثوم - شوية معدنوس مقطع رقيق - حبة بيض - 3ملاعق كبار شابلوغ - ملح -فلفل اسود - زنجبيل - ثوم مرحي - كيري دجاج .- جبن طري .

التحضير: في إناء نضع جميع مكونات و نخلطهم بيدي مليح حتى تندمج جيدا بعدها نحكم ورق شفاف و نبسط بيدي ذللك الحشو نتحصلوا على طبقة متوسطة و نضع الجبن طري و نروليه بورق شفاف و بعدها نغلق عليه من نعقدوا من جوانب و بعدها ندير قدر ماء يغلي كي يبدا يغلي نضع كسكاس و ندير رولي يفور لمدة 20دقيقة على اقل لازم نلمسوا و نشوفوا شاد روحوا جيدا نحيه من ورق شفاف و نخليه يبرد. بعدها نحكم مقلاة نضع فيها ملعقة كبيرة زبدة طرية و 2ملاعق زيت و نحمروا من كل الجوانب و بعدها نحيه و نخليه يبرد غير شوية و نبدا نقطع فيه و نضعوا مع صلصة بيضاء.

التحضير

صلصة بيضاء: في طنجرة نضع أطراف دجاج مع حبة بصل مسكرفجة و 2سنن ثوم و ملح و فلفل اسود و زنجبيل و قرفة عود و نخليهم يتقلاو مليح بعد ذلك نمرق بماء دافى و نخليه يطيب كي يبدا يدخل طياب نرمي زيتون اخضر بعد ما نكون غليتوا و نخليهم يطيبو مع بعض و بعدها نطفي عليه. و نحمر أطراف دجاج في مقلاة بشوية زبدة و زيت و نعاود نردهم في طنجرة. و نزينوا بمعدنوس مقطع و شهية طيبة